Þann 19. nóvember opnaði Kosovo eigin einkaleyfastofu. Kosovo var sem kunnugt er hluti af gömlu Júgóslavíu og er nú fylki í Serbíu en hefur verið undir stjórn Sameinuðu Þjóðanna síðan 1999. Íbúar Kosovo eru rúmar 2 milljónir.

Samkvæmt lögum í Kosovo geta þeir sem eiga vörumerki í Serbíu fengið merki sitt endurskráð í Kosovo ef þeir sækja svo um fyrir 19. nóvember 2008. Einnig geta þeir sem eiga merki í vinnslu í Serbíu sótt um aftur í Kosovo fyrir sama dag. Eftir 19. nóvember 2008 mun forgangsréttur í Kosovo vegna fyrri skráninga og umsókna í Serbíu falla niður.