Þann 1. september í ár verður opnað fyrir almennar skráningar á .mx lénum. Lengi vel gátu einstaklingar og fyrirtæki aðeins skráð .com.mx. Á síðasta ári var hins vegar ákveðið að leyfa skráningar á .mx. Þeir aðilar sem eiga .com.mx hafa á þessu ári getað skráð samsvarandi .mx lén í forgangi, en þann 1. september verður opnað fyrir allar skráningar þar sem fyrstur kemur fyrstur fær.

Ríflega 23 milljónir manna hafa aðgang að Interneti í Mexíkó, en landið er það næstfjölmennasta í rómönsku Ameríku. Um 270 þúsund .com.mx lén eru skráð hjá lénaskránni þar í landi.